第七十五章：佢好似唔聽我講，又唔敢鬧佢，點算？
林宇瞇住眼，望住小艾坐喺對面打字。畫面冇問題，但心入面覺得怪怪哋。 任務佢俾咗，小艾都話明白，但交返嚟嗰份報告，重點偏晒，漏晒分析，好似求其交功課咁。 「唔通係我講得唔清楚？定係佢根本無留心聽？」林宇喺心入面嘀咕。 佢唔想咁快「鬧」新人，於是搵咗個「婉轉」方法，用 email 回應報告寫： 「可以考慮再加強啲資料來源同結論段落分析」 結果第二日收到嘅第二版，只係結論段改咗一行，資料來源一樣係零。 林宇愈睇愈嬲 “ 到底係唔識，定係唔想改？ ” 小白就喺呢刻出現 : 「你人好，但唔一定係好導師。」 「你知唔知，好多時我哋『唔想傷害人』，反而冇幫到對方成長？」小白語氣淡淡講。 「咁點先叫幫到？」林宇頂唔順。 「幫一個人，唔係鬧唔鬧佢嘅問題，而係真誠咁指出佢需要改進嘅地方， “ 並且願意陪佢改。 ” 」 當日下午，林宇終於鼓起勇氣，同小艾開咗個 15 分鐘嘅小 meeting 。 佢放低電腦，望住小艾： 「小艾，我想認真問你，你覺得上次份報告，你滿唔滿意自己交出嚟嘅版本？」 小艾低頭：「其實… 我都知未夠好，但… 我驚自己做得慢，交遲咗會拖你後腿…」 「咁你下次如果未完成好，會唔會寧願開口問清楚啲，而唔係硬交？」 小艾點頭，面紅紅：「我以為你好忙，唔想煩你…」 林宇微笑：「以後如果你唔肯定，第一時間嚟搵我。我唔怕你問，最怕係你唔講，結果做錯晒。」 夜晚小白同林宇分享 Feedback 4 步法的技巧： SBIN 模式（ Situation – Behavior – Impact – Next ） • • 。 • S ( 情景 ) ：「上次你交果份市場分析報告」 • B ( 行為 ) ：「你未加入分析圖表，同埋結論未有支撐數據」 • I ( 影響 ) ：「李經理問我點解報告冇 data 支持，變咗要臨急臨忙補返」 • N ( 下一步 ) ：「下次你可以先俾草稿我睇，提早審視，我哋一齊調整」 林宇試咗，發覺講得清楚啲，小艾好快就明，仲識自己補返資料。 幾日後，小艾交返新一版報告，完整到連林宇都有啲驚訝。 佢不禁感慨：「原來一個人做得唔好，唔一定係懶，而係佢唔知自己點可以做得好啲。」 小白喺佢腦海入面講：「你唔需要大聲，但你要 “ 清楚 ” 。領導人係要令對方進步，而唔係讓對方舒服。」 待續 ... --- 教練視角 : • 有效...
