第七十三章：我係唔係太快表現得太出？

近排林宇成日都聽到人講：「林宇勁喎，諗到啲咁creative嘅idea」，但語氣入面，總有啲似笑非笑。

開會時，佢講完自己對發佈會設計方案嘅建議李經理點頭，但隔離嘅阿Ben冇出聲，反而會後行去佢位，冷冷講咗句：「啱啱先入公司幾個月，你都幾多嘢講喎。」

呢句說話，就好似一支冰箭，插咗入林宇個心。

本來應該開心自己終於「冒起」，點解反而覺得空氣變緊張咗？

夜晚，小白細聲問：

「你有無諗過，做得好，唔等於人人都會開心？」

小白又一連問左幾個問題：

1. 你希望人哋點睇你？你自己又點睇自己？ 

2. 你努力表現，係想證明啲咩？又想贏得啲咩？ 

3. 你喺表現之餘，有冇諗過你點影響團隊氣氛？ 

林宇愣咗一下，原來自己咁拚，唔單止想得機會，更加係想證明：「我唔係啲人覺得嘅咁平凡。」

但喺急於證明嘅過程中，佢忽略咗一樣嘢，“人際溫度”。

第二日Lunch time，佢主動約咗幾個同事食飯，冇講工作，只係傾下戲、講下八卦。阿Ben都喺度，氣氛輕鬆咗少少。

食到中段，林宇笑住講：「最近我好似出現咗少少太搶戲，其實我係想幫手啫，希望唔會影響大家心情。」

阿Ben望住佢，輕聲回：「你想做好個project我知，只係…你知道啦，我哋做咗幾年，見到新人咁“Chur”，難免有啲壓力囉。」

林宇點頭：「我明，多謝你坦白。」

當晚，小白讚佢：「呢一步好難行，肯面對人際矛盾、主動對話，係一個領導者應該有嘅姿態。」

佢再提醒林宇三樣影響力管理嘅小貼士：

1. 表現唔代表炫耀，學識讓人參與 

2. 成功唔一定要快，慢慢建立信任感更長久 

3. 有時收一收火，俾人呼吸空間，係一種智慧 

林宇寫低今日學到嘅一頁：「唔好因為怕被討厭就收起自己，但亦唔好以為做好就自然有Friend，影響力需要管理；人緣需要培養。」

待續...

---

教練視角:

•  職涯初期「表現焦慮」常見，但需要配合團隊協調

•  Coaching協助案主處理自我認同與人際影響之平衡

•  人際敏感度與溝通，是提升影響力關鍵

•  「冒起」後嘅人際壓力屬正常，需轉化為連結力