第七十九章：第一次帶project，我竟然...

「林宇，呢個月新產品簡報，就由你負責啦。」

張經理講完之後，部門一片靜默。

林宇呆咗三秒，之後點咗下頭：「…冇問題。」

但其實，佢心入面喺度咆哮：「乜？真係交比我？」

會議一完，林宇就攤咗喺自己位。

「第一次帶專案…要自己組隊，又要寫timeline，仲要自己應付大老闆嘅各種問題…」 

團隊入面有三個人：

• 阿強：資深設計師，做嘢快但唔鍾意人干涉。

• 小敏：入行一年，乖，但唔夠自信。

• Calvin：自由文案寫手，鐘意自主性工作方式，唔太聽指令。

林宇一邊諗住點分工，一邊已經開始頭痛。

夜晚返到屋企，小白自己彈咗出嚟：「今日咁靜？有大事啦？」

林宇攤晒係床：「我真係唔知點帶project，我都未識點安排人。」

小白輕輕講：

「擔任Leader，唔係代表你最叻，而係要帶出大家嘅才能。你唔洗做晒所有嘢，但係要令其人都做得好。」

「第一步唔係諗你要做啲咩，而係先審視幾個問題。」

小白分享帶Team三式

1. 每個人最叻咩？最令你頭痛又係啲咩？ 

林宇開始重新諗吓：

•  阿強最叻構圖快，但唔鍾意人challenge。

•  小敏資料整理好，但需要人引導。

•  Calvin創意好，但唔識管理deadline。

2. 點樣安排，先會讓人覺得可以信任你，而唔係被你指揮？

 「唔係分派Task，而係分享目標，同埋問對方點樣完成，等佢地參與。」

3. 有咩地方可以預先溝通，唔好等爆煲先補鑊？

「例如Calvin啲文案唔準時，你係咪可以將deadline私下提早，同諗定Plan B？」

第二日，林宇開咗第一次team meeting。

佢冇話自己係領導，而係話：「今次我負責統籌，我哋一齊完成，目標係三個星期出到Draft，五個星期交Proposal。」

佢問阿強：「你認為你負責邊part會最有信心？」

阿強冇咩表情：「visual idea我搞掂，你唔好加太多意見。」

林宇笑：「好，咁就交俾你發揮，timeline我會check吓，有咩support你講。」

佢又同小敏講：「你做資料整理好勁，可以幫我補資料source？之後我同你夾落script嘅工作。」

小敏點頭：「可以。」

Calvin照舊無乜反應，不過聽到林宇話會俾佢自由發揮，但每兩日要回報一次，佢冇反對。

會後，小白同林宇講：「一個好嘅leader唔係樣樣都叻，唔洗一個人做晒，而係有人願意幫你分擔責任。帶人唔係權力game，而係信任game。」

林宇第一次感受到，原來唔係控制人，而係放手，用方法串連人，先至係真正嘅『帶』。

待續...

---

教練視角:

• 把重心放在信任團隊成員，而不是靠權威來管理

• 了解團隊成員的優勢和挑戰，能夠更有效地分配任務

• 防止問題的積累，設立明確的項目目標，並保持開放的溝通渠道

• 有效的領導者，關鍵在於懂得鼓勵團隊成員參與決策，增強佢哋嘅責任感和投入感