領導及職業發展教練

「林宇，下星期想約你傾一傾，關於你下一步發展方向。」 呢句係張經理食晏前扔低嘅一句說話。 林宇拎住盒叉燒飯，心跳得勁快。 「係咪 … 升職？」 本來聽到人話有升遷機會，應該係開心事。 但林宇個心，反而浮現幾個問題： • 「我真係準備好升職未？」 • 「咁快升？會唔會其實係因為冇人做？」 • 「如果搞唔掂，會唔會直接比人踢走？」 佢笑住話俾同事小美聽，小美仲登佢開心：「哇，林宇你得咗啦，咁短時間就升？你真係叻喇！」 林宇扯出個勉強笑容：「哈哈，係咪真係好快？」 小美冇察覺異樣，但林宇心入面，其實係驚多過喜。 夜晚小白出聲 : 「升職唔係應該開心咩？點解你望落好似中咗六合彩，但臉色就好似輸晒咁呢？」小白笑住咁講。 林宇嘆咗口氣：「小白，我唔係唔想升，只係 … 我真係唔知自己準備好未，會唔會搞衰晒啲嘢。做領導，好似唔止做返自己啲嘢咁簡單，仲要帶人、做決策、應付責任。又冇人帶我，我都仲學緊點做好自己本分。」 小白點點頭：「你嘅焦慮其實好正常，升職唔係『會唔會做』，而係『準備點樣去學』。」 小白分享「升職三問」 1. 你知唔知道呢個新角色，最關鍵嘅能力係乜？   林宇諗咗諗 : 「我估 … 要識安排人手、溝通、頂住壓力 … 」 2. 你覺得你邊方面未夠？有冇計劃可以點樣改善？   林宇沉思：「我未試過正式管理人，可能呢方面最弱。」 3. 你想成為一個點樣嘅主管？咁你而家有冇開始做緊呢個人？   林宇：「我想成為一個比人信得過、有擔當，又唔會推晒啲嘢落屬下身嘅人。」 小白：「咁你而家有冇咁樣做緊？」 林宇笑一笑：「有啲開始啦，有啲就未。」 小白語重心長：「升職唔係話你而家已經完美，而係你嘅潛力被睇中。關鍵唔係你準備好未，而係你準備咗乜，肯唔肯繼續準備。」 「有壓力，代表你知自己有嘢未掂，唔驚，先恐怖。」 林宇聽完之後，望住窗外夜景，深呼吸一口氣。 第二日一早，林宇 WhatsApp 咗張經理：「早晨，關於您提到發展方向，如果可以的話，我都想預先了解多啲內容，好做好心理準備。」 張經理回覆：「好，咁我早啲 send 個 brief 比你，你做吓功課，到時再傾。」 待續 ... --- 教練視角 : • 升職唔係代表你已經好成熟，而係代表你有潛力可以成長 • 真正嘅專業，唔係從熟練開始，而係帶住學習嘅心態前進

呢排林宇遇到「人生十字路口」。 某日喺 Linkedin 收到一封訊息，係某大集團嘅 HR 發出佢：「你好，你的簡歷很吸引，本公司正招聘 Marketing Specialist ，年薪達到 XXK ，有意請聯絡。」 佢望住個訊息愣咗幾秒。呢間公司佢聽過，行內好有名氣，福利唔錯，最重要係人工真係比而家多成 20% 。 林宇心郁郁 ! 但又唔敢亂郁。 當晚，林宇坐喺書枱前面。 「小白，依家做呢份工唔係做得唔開心，但好似冇乜前景咁。而家有個更好嘅 offer ，你話我應唔應該走？」 小白語氣平靜： 「跳槽呢件事，唔係睇錢多錢少咁簡單。你自己先問自己五條問題。」 小白分享轉職自我評估法 : 1. 你而家份工，仲有冇你想學但未學嘅野？   林宇諗咗下：「有啲，但好似都冇乜人願意教我，成日淨係趕 deadline 。」 2. 你走嘅原因，係因為真係唔啱？定係因為一時辛苦？   林宇咬咬嘴唇。「其實，我而家主要係攰，感覺冇人睇到我嘅努力，唔係真係完全唔啱。」 3. 如果比你喺現職改善一樣嘢，你會改乜嘢？   「我會想有 mentor ，有人指點我。」 小白補充：「咁你嘗試過爭取未？」 林宇搖頭。 4. 你跳過去間新公司，你知唔知道嗰邊文化係點？啱唔啱你？   「唔知， HR 話想邀請我去面試，但冇講清楚工作內容。」 5. 你對未來嘅職涯，有冇一個方向？定淨係想『唔好咁辛苦』就算？   林宇靜咗一陣，輕聲講：「我想做有影響力嘅工作，唔係淨係開會寫報告。我想做到啲 project 係真係對人有價值。」 小白語氣堅定：「唔係話唔可以轉工，但你要清楚自己係因為想逃避而走，定係為咗向目標行近一步。」 「如果係後者，值得；如果係前者，去到邊都一樣。」 林宇望住手機入面嗰封 HR 訊息，冇即刻回覆，而係打開 notion ，開始寫自己下一步應該做啲咩準備，包括： •   打聽新公司文化、問吓其他人意見 •   約返而家公司嘅主管張經理，問下有冇可能爭取更多 learning opportunity •   寫一份清晰嘅「三年職涯目標草稿」 待續 ... --- 教練視角： •  跳槽係策略，而唔係逃避或單純睇錢 •  做決定之前，要對自己而家狀況有真實了解   •  職涯發展...

最近公司開始轉型，市場部啲同事走咗一半，原有嘅計劃停晒。林宇成日坐喺位望住部電腦，心就飄咗去太空。 「點解我每日都係開會、改 PowerPoint 、收 feedback 、再開會……」 有日放工搭車返屋企，佢突然問自己： 「其實，我係咪真係鍾意做呢行？」 林宇入職個時，諗住市場部好型，成日有活動、 campaign 、同外面嘅 agency 合作，聽落有創意、有火花。但依家啲工作，就係不斷修改、協調、跟進、救火。 「創意？」佢冷笑一下，「冇 budget 仲邊有創意？」 佢朋友阿成最近轉行去做 UI 設計，整 app 介面，成日喺 IG story share 自己幾有滿足感。 林宇開始攰、開始疑惑，甚至開始比較。 夜晚臨訓前，佢打開枱燈，攞住個吊嘴。 「小白，老實講，我開始唔知自己喺度做緊咩，連方向都冇，我係咪唔啱做呢行？」 吊嘴閃咗一吓，小白低沉嘅聲音傳出嚟： 「呢個問題，唔係問你『啱唔啱』，而係問你『重唔重視』。」 林宇愣咗：「乜意思？」 「你試吓答我幾個問題。」小白慢慢講： 1. 你覺得做緊而家份工，邊啲 moment 你最有成就感？   2. 邊啲 moment 你最唔開心，甚至想離職？   3. 你喺工作入面，有冇一樣野係你覺得『就算冇人讚你，你都願意繼續做』？   林宇開始回想，佢記得自己幫新人小艾搞掂咗份報告，嗰刻佢真係覺得自己幫到人，內心好滿足。 但當要整冇意義嘅週報、被上司不停修改表達方式、開會冇人決策，呢啲 moment 就會令佢懷疑自己做緊乜。 至於「願意繼續做」，佢諗咗一陣：「我鍾意整資料簡報，指導同幫助其他人。」 「你知唔知，職涯唔係一條直線，唔係直通車，一上車就坐到終點。」小白語氣溫柔。 「有時你中途落車，轉線都唔代表失敗，反而係一種成長。問題係，你要知道你鍾意咩，唔鍾意咩，你嘅 “ 價值觀 ” 係點樣。」 林宇低頭思考，第一次咁認真問自己，我鍾意創作多啲？定係協調同解決問題？我抗拒壓力定係抗拒重複性？我真係唔啱呢行？定係我只係未搵到啱嘅定位？ 小白：「每個人職涯入面都會迷失過，關鍵唔係你迷失，而係你有冇勇氣去找答案。」 林宇攞張紙，開始寫低： •   我擅長：整理資訊、說明重點、幫人理解 •   我唔鍾意：不斷修改、冇明確目標、政治 •   我鍾意：有影響力嘅創作、有意義嘅指...