第七十七章：點樣知道，我應唔應該轉工？

呢排林宇遇到「人生十字路口」。

某日喺Linkedin收到一封訊息，係某大集團嘅HR發出佢：「你好，你的簡歷很吸引，本公司正招聘Marketing Specialist，年薪達到XXK，有意請聯絡。」

佢望住個訊息愣咗幾秒。呢間公司佢聽過，行內好有名氣，福利唔錯，最重要係人工真係比而家多成20%。

林宇心郁郁! 但又唔敢亂郁。

當晚，林宇坐喺書枱前面。

「小白，依家做呢份工唔係做得唔開心，但好似冇乜前景咁。而家有個更好嘅offer，你話我應唔應該走？」

小白語氣平靜：

「跳槽呢件事，唔係睇錢多錢少咁簡單。你自己先問自己五條問題。」

小白分享轉職自我評估法:

1. 你而家份工，仲有冇你想學但未學嘅野？ 

林宇諗咗下：「有啲，但好似都冇乜人願意教我，成日淨係趕deadline。」

2. 你走嘅原因，係因為真係唔啱？定係因為一時辛苦？ 

林宇咬咬嘴唇。「其實，我而家主要係攰，感覺冇人睇到我嘅努力，唔係真係完全唔啱。」

3. 如果比你喺現職改善一樣嘢，你會改乜嘢？ 

「我會想有mentor，有人指點我。」

小白補充：「咁你嘗試過爭取未？」

林宇搖頭。

4. 你跳過去間新公司，你知唔知道嗰邊文化係點？啱唔啱你？ 

「唔知，HR話想邀請我去面試，但冇講清楚工作內容。」

5. 你對未來嘅職涯，有冇一個方向？定淨係想『唔好咁辛苦』就算？ 

林宇靜咗一陣，輕聲講：「我想做有影響力嘅工作，唔係淨係開會寫報告。我想做到啲project係真係對人有價值。」

小白語氣堅定：「唔係話唔可以轉工，但你要清楚自己係因為想逃避而走，定係為咗向目標行近一步。」

「如果係後者，值得；如果係前者，去到邊都一樣。」

林宇望住手機入面嗰封HR訊息，冇即刻回覆，而係打開notion，開始寫自己下一步應該做啲咩準備，包括：

• 打聽新公司文化、問吓其他人意見

• 約返而家公司嘅主管張經理，問下有冇可能爭取更多learning opportunity

• 寫一份清晰嘅「三年職涯目標草稿」

待續...

---

教練視角：

• 跳槽係策略，而唔係逃避或單純睇錢

• 做決定之前，要對自己而家狀況有真實了解 

• 職涯發展唔係一次性轉職，而係長期經營 

• 明白目標，先能判斷新機會能否把你帶得更遠