第六十四章：新人 vs 老人，點樣避開明爭暗鬥？

某日，市場部開咗場小型會議，主題係新產品嘅宣傳策略。林宇被邀出席，原本諗住學下嘢，點知會議中途氣氛突然轉冷。

一開始，林宇提出咗一個網上推廣活動：「我諗可以試下用短影片，Target年輕人，可能會有啲新鮮感。」

唔夠三秒，坐佢對面嘅老職員大偉就講：「以前我哋都做過，反應麻麻，唔建議重覆。」

林宇尷尬咁點點頭，收返晒啲意見。

Yoyo坐喺佢隔籬細聲話：「唔好太介意，大偉向來都係咁㗎，唔太Buy新人講嘢。」

當晚，林宇返到屋企，個腦都仲loop緊大偉嗰句「以前做過，唔建議重覆」。小白彈出嚟。

「林宇，你知唔知，其實你唔係比人否定，而係跌咗入一個典型嘅職場文化陷阱。」

「乜陷阱？」

「新人成日以為，要靠創意先令人記得你。但喺有『資歷文化』嘅地方，太前衝反而惹人反感。」

「咁我應該點？」

「聽、觀察、慢一步出聲。然後，用提問代替直接提案。」

第二次會議前，林宇主動搵咗Yoyo同佢研究之前Campaign資料。發現原來大偉講嘅嗰次「短影片失敗」其實係因為當時平台揀錯。

開會時，林宇冇再直接講提案，而係問：「我哋上次短影片反應麻麻，係咪因為揀咗比較冷門嘅平台？如果平台換返Instagram Reels或者TikTok，會唔會效果唔同？」

大偉皺下眉，但冇反駁，反而轉咗去問Yoyo：「你最近有冇見啲競爭對手玩緊啲乜？」

氣氛即刻唔同咗。

會議完咗之後，Yoyo拍下佢膊頭：「啱喇，你咁問法，大偉先唔會即刻彈你。」

林宇笑咗：「原來職場政治唔係要玩心機，而係要識變奏。」

待續...

---

教練視角:

• 新人常犯錯誤：急於證明自己，反而忽視文化背景

• Coaching可以協助建立情境智慧（Situational Awareness）

• 面對有資歷人士，直接挑戰意見往往招反感，不如用提問引導思考

• 避開明爭暗鬥嘅方法：先觀察、理解後、才發聲