第八章：唔知得唔得，但都無悔

面試完嗰晚，我以為自己會瞓得着。點知瞓喺床上面，腦入面成晚loop緊嗰句：「你點樣知道我哋公司？」

我不停咁諗：「我啱啱講嗰句會唔會講漏咗？」「佢面無表情，其實係咪覺得我答得好廢？」

凌晨三點，小白終於忍唔住：「林宇，你唔係已經做咗最好嘅自己咩？」

「但我都唔知結果係點。」

「唔知道，就唔代表你做得唔好。」佢語氣仍然淡定得好討厭。

我望住天花板講：「但我好想入到去，唔想咁快又輸。」

小白唔再多嘴，而係問左我一個問題:

「你覺得，今次經歷，除咗“有冇得返工”，你仲有啲咩收獲？」

我皺眉，諗左幾秒後答佢：「我識咗點樣講自己啲真心話，唔再靠背稿。」

「仲有呢？」

「我都冇諗過，我會記得咁清楚一個廣告嘅細節。」

「仲有？」

我停咗一陣，然後細聲講：「我竟然可以唔爆炸咁完成成個面試。」

小白冇笑，但我感覺到佢個語氣好似有一絲滿意。

「咁而家，如果你冇收到offer，你會點？」

我沉咗一會：「我會失望。但我應該唔會咁快放棄。」

「點解？」

「因為我覺得，我比上星期嗰個我，踏實咗啲。至少，我唔再係亂咁應徵。」

第二朝起身，email未有回覆，電話無miss call，但我唔再介意。

我打開記事簿，寫咗一句：

「未知結果，都唔等於冇價值。只要我肯行落去，唔中都唔算輸。」

我知道未來仲會有十幾廿次等通知、見工、失敗，但我終於唔再俾未知嘅未來，困住依家嘅自己。

待續...

---

教練視角:

•  小白透過問題幫助林宇看見非結果導向的收穫

•  主角逐步建立「過程自信」而唔再只追逐「成功結局」